Tékkneski flugherinn kemur hingað til lands á morgun til að sinna loftrýmisgæslu Atlantshafsbandalagsins við Ísland. Alls munu 80 liðsmenn taka þátt. Flugsveitin kemur með fimm orrustuþotur til landsins. 

Þetta kemur fram inn á vef Stjórnarráðsins og verður þetta í fjórða sinn sem Tékkar annast loftrýmisgæslu hérlendis. Flugsveitin hefur aðsetur á öryggissvæðinu á Keflavíkurflugvelli. 

Þoturnar eru af gerðinni JAS-39C Gripen og geta þær náð allt að 2.037 kílómetra hraða á klukkustund. 

Aðflugsæfingar verða að varaflugvöllum á Akureyri og Egilsstöðum á tímabilinu 22. maí til 2. júni með fyrirvara um veður.

Varnarmálasvið Landhelgisgæslu Íslands í samstarfi við Isavia sér um framkvæmd verkefnisins. 

Tengdar fréttir

Varnarmál Íslands

Tvíhliða varnarmálasamstarf við Frakkland eflt

• Varnartengd útgjöld aukin hægt
• Beint: Stóraukin togstreita á Norðurslóðum
• Íhuga að verja 1,5% landsframleiðslu í varnarmál
• Aukin varnarframlög og ný öryggisstefna í mótun

» Fleiri tengdar fréttir

• Blogga um frétt