Einn dælubíll slökkviliðsins á höfuðborgarsvæðinu er enn við Hjarðarhaga þar sem sprenging varð í kjallaraíbúð í morgun, að sögn varðstjóra slökkviliðsins. Enn er óvíst hvað olli sprengingunni.

Allt tiltækt slökkvilið var kallað til og sex sjúkrabílar sendir á vettvang. 

Þrír einstaklingar voru sendir með sjúkrabílum á slysadeild en varðstjóri slökkviliðs gat ekki veitt upplýsingar um líðan þeirra.

Eldur kom upp í kjallaraíbúðinni í kjölfar sprengingarinnar en greiðlega gekk að slökkva eldinn. Reykræsta þurfti stigagang fjölbýlishússins en aðrar íbúðir virðast hafa sloppið.

Frétt af mbl.is

Sprenging á Hjarðarhaga: Þrír fluttir á spítala

Sprenging varð í kjallaraíbúð við Hjarðarhaga í Reykjavík í morgun. mbl.is/Eyþór

Tengdar fréttir

Sprenging og eldsvoði á Hjarðarhaga

Eldsvoðinn á Hjarðarhaga: Bíða niðurstöðu úr sýnum

• Ílát sem í voru eldfimir vökvar fundust í rústunum
• „Mikil rannsóknarvinna í gangi“
• Vísa átti íbúa út daginn eftir brunann
• Bandaríkjamaður og Tékki létust á Hjarðarhaga

» Fleiri tengdar fréttir

• Blogga um frétt