Annar maður er látinn eftir eldsvoða í Hjarðarhaga í gær. Þetta kemur fram í tilkynningu frá lögreglunni á höfuðborgarsvæðinu. Lögregla sendi einnig frá sér tilkynningu í gær um andlát annars manns. Þriðji maðurinn sem var innandyra í eldsvoðanum er ekki í lífshættu. 

Eiríkur Valberg, fulltrúi í rannsóknardeild Lögreglunnar á höfuðborgarsvæðinu, segir að rannsókn á eldsupptökum sé enn í fullum gangi. 

„Við erum að vinna með tæknideildinni til að fá betri mynd á það sem gerðist,“ segir Eiríkur. 

Spurður segir Eiríkur þriðja manninn ekki í lífshættu. 

„Hann er ekki í lífshættu en hann er nokkuð slasaður,“ segir Eiríkur.  

Mennirnir sem lentu í eldsvoðanum eru allir erlendir en þjóðerni þeirra liggur ekki fyrir á þessari stundu. 

Tengdar fréttir

Sprenging og eldsvoði á Hjarðarhaga

Eldsvoðinn á Hjarðarhaga: Bíða niðurstöðu úr sýnum

• Ílát sem í voru eldfimir vökvar fundust í rústunum
• „Mikil rannsóknarvinna í gangi“
• Vísa átti íbúa út daginn eftir brunann
• Bandaríkjamaður og Tékki létust á Hjarðarhaga

» Fleiri tengdar fréttir

• Blogga um frétt