Nálgast milljarð í heildartekjum

Heildarframlög til SOS Barnaþorpanna á Íslandi hafa aldrei verið hærri að því er fram kemur í ársskýrslu félagsins 2024. Þau nema 952 milljónum, þar af 884 milljónir frá styrktaraðilum.

Árið 2024 var metár í rekstri SOS Barnaþorpanna á Íslandi. Heildarframlög styrktaraðila námu samtals 884 milljónum og voru tekjur samtakanna 19% hærri en árið á undan, sem var einnig metár samkvæmt því sem kemur fram á vef SOS Barnaþorpanna á Íslandi.

Heildartekjur nálgast milljarð

Heildartekjur samtakanna voru 952 milljónir í ár. Hafa samtökin þar með tekið fram úr heildartekjum Unicef sem námu 849 milljónum.

Frétt af mbl.is

Hæsta framlag allra miðað við höfðatölu

Samtökin státa af lágu hlutfalli rekstrarkostnaðar, um 14,5%, sem gerir þeim kleift að ráðstafa 85,5% framlaganna í sjálft starf samtakanna fyrir umkomulaus og bágstödd börn víða um heim.

Úr heimsókn Rúriks Gíslasonar, velgjörðasendiherra SOS, til barnaþorps í Rúanda. Ljósmynd/Aðsend

Erfðagjafir stór hluti af tekjum

Stóran hluta af tekjum samtakanna í ár má rekja til erfðagjafar eftir Baldvin Leifsson, vél-, renni- og bátasmið.

Erfðagjöfin er sú stærsta í sögu samtakanna á Íslandi og nemur 128 milljónum. 23 milljónum hennar hefur nú þegar verið ráðstafað til háskólamenntunar ungmenna í Rúanda.

• Blogga um frétt