Úlfar Lúðvíksson, fyrrverandi lögreglustjóri, segir að Haukur Guðmundsson, ráðuneytisstjóri eigi að víkja úr embætti. Hann hafi vanrækt skyldur sínar gagnvart öryggi þjóðarinnar. Það hafi hann bæði gert sem æðsti embættismaður í ráðuneyti sem fer með vörslu landamæra Íslands en einnig sem fulltrúi sem sæti á í þjóðaröryggisráði.

Haukur Guðmundsson var fyrst skipaður ráðuneytisstjóri í dómsmálaráðuneytinu í maí 2017. Ljósmynd/Dómsmálaráðuneytið

Óvenju bersögull

Úlfar var gestur Spursmála í dag og hefur viðtalið vakið mikla athygli. Afar óvenjulegt er að fyrrum embættismenn tjái sig með jafn opinskáum hætti og hann gerir.

Almenningur á heimtingu

Segir Úlfar að almenningur á Íslandi eigi einfaldlega heimtingu á að vita hver raunveruleg staða á landamærum Íslands sé. Æðstu stjórnendur ríkisins hafi látið undir höfuð leggjast að taka á bráðavanda sem felist í því að innri landamæri Schengen-svæðisins séu galopin.

Frétt af mbl.is

Úlfar hættir sem lögreglustjóri

Kallar Úlfar raunar eftir því að Sigríður Björk Guðjónsdóttir, ríkislögreglustjóri, taki einnig pokann sinn. Hún var um nokkurra ára skeið lögreglustjóri á Keflavíkurflugvelli og segir Úlfar að hún hafi ekki sinnt skyldum sem á henni hvíldu í því skyni að koma skikki á landamærin. Þá séu lögreglumál í landinu ekki á góðum stað.

Viðtalið við Úlfar má sjá og heyra í heild sinni í spilaranum hér að neðan:

Tengdar fréttir

Spursmál

Guðrún tekur til í Valhöll: „Nú ætla ég að vera frek“

• Heimsstyrjöld ólíkleg, borgin skrefuð og allir á Swingers-club
• Framdi hvalurinn sjálfsvíg?
• Út með ferðatösku sem ekki var tekið upp úr
• Fréttamenn RÚV trúðu fullyrðingunum alls ekki

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Úlfar talar en ráðherra flýr á vit transmála