Stjórn Isa­via tilkynnti á degi íslenskunnar, 16. nóvember 2023, að íslenskan kæmi fyrst á öllum leiðbeiningaskiltum á Keflavíkurflugvelli fyrir árslok 2024. Ekki varð af því en áætluð verklok eru nú vorið 2026.

„Þetta verkefni er í fullum gangi. Það hefur tekið lengri tíma en við áætluðum þar sem umfangið er töluvert meira en gert var ráð fyrir. Einnig standa yfir fleiri verkefni við úrbætur á flugvellinum sem eru framar í framkvæmdaröð,“ segir Guðjón Helgason, upplýsingafulltrúi Isavia, í skriflegu svari við spurningum mbl.is um málið.

Frétt af mbl.is

Isavia setur tímaramma á íslenskuátakið

Tekur hann fram að verkefnið sé á hönnunarstigi og að prófanir hafi hafist á nýjum merkingum í flugstöðinni síðasta haust.

Næsta haust verði framkvæmdar prófanir á fleiri stöðum.

„Markmiðið er að verkefninu ljúki fyrir vorið 2026,“ skrifar Guðjón.

Frétt af mbl.is

Gagnrýnir Isavia: „Ég meina þetta í fúlustu alvöru“

Tengdar fréttir

Íslenska

Árnastofnun eyðir orðum úr gagnagrunni sínum

• Ekki líklegt að kynhlutlaust mál verði „ráðandi“
• Skilaboðin að það sé í lagi að tala ekki íslensku
• Benti Akureyrarbæ á lögbrot
• Takast á um „woke-afbökun íslenskunnar“

» Fleiri tengdar fréttir

• Blogga um frétt