Ílát sem í voru eldfimir vökvar fundust í rústunum
Setja bókamerki
Þrjú ílát sem bendir allt til þess að hafi verið með eldfimum vökva í fundust í brunarústum íbúðarinnar við Hjarðarhaga þegar tveir menn fórust þar í eldsvoða á dögunum.
Þetta staðfestir Ævar Pálmi Pálmason, aðstoðaryfirlögregluþjónn hjá lögreglunni á höfuðborgarsvæðinu, í samtali við mbl.is en sjónarvottar lýstu því að hafa heyrt mikinn hvell í kjölfar eldsvoðans. Hann segir að rannsókn sé enn í gangi og málin skýrist frekar þegar endanleg niðurstaða úr brunarannsókn liggi fyrir.
Mennirnir sem létust í eldsvoðanum voru Bandaríkjamaður á sextugsaldri annars vegar og Tékki á fertugsaldri hins vegar.
Fjórir menn bjuggu í kjallaraíbúðinni við Hjarðarhaga þar sem eldurinn kom upp. Þrír þeirra voru í íbúðinni og létust tveir þeirra en sá þriðji, Ungverjinn Sári Morg Gergö, sem komst lífs af úr eldsvoðanum var fluttur á sjúkrahús og er að jafna sig af sárum sínum.
Spurður hvort grunur leiki á að fíkniefnaframleiðsla hafi farið fram í íbúðinni segir Ævar Pálmi að það sé ekkert sem bendi til þess.
Enginn er í haldi vegna málsins og enginn er með stöðu sakbornings að sögn Ævars Pálma.
Ósátt við orðræðuna: „Gelta þegar þeim er sigað“
„Hvenær upplifði hann að bróðir minn hefði orðið máttlaus?“
Höfðu ekkert heyrt af banaslysunum
Eitt og hálft ár tekur að afgreiða umsóknir
Ein stærsta rannsókn Evrópu: Fimmtán grunaðir
Ef einhver tapar lífinu þarf að gera eitthvað
„Síðan sem þú leitaðir að fannst því miður ekki“