Landris og kvikusöfnun heldur áfram undir Svartsengi en dregið hefur jafnt og þétt úr hraða kvikusöfnunarinnar sé miðað við hraðann í apríl og fyrrihluta maí.

Frétt af mbl.is

„Ólíklegt að það dragi til tíðinda fyrr en í fyrsta lagi í haust“

Í tilkynningu frá Veðurstofu Íslands segir að ef kvikusöfnun haldi áfram með svipuðum hraða og undanfarnar vikur megi áfram gera ráð fyrir því að líkur á kvikuhlaupi eða eldgosi fari að aukast þegar líða fer á haustið. Breytingar á hraða landriss, og þar með kvikusöfnunar undir Svartsengi, geta þó haft áhrif á þetta mat.

Frétt af mbl.is

„Finnst þetta vera í rólegheitunum að fjara út“

Fram kemur í tilkynningunni að undanfarna daga hafi mælst á bilinu 10 til 20 smáskjálftar á hverjum degi á svæðinu í kringum kvikuganginn sem myndaðist þann 1. apríl síðastliðinn en dregið hefur jafnt og þétt úr virkninni síðustu vikur.

Hættumat hefur verið uppfært og helst óbreytt og gildir til 18.júní að öllu óbreyttu. Kort/Veðurstofa Íslands

Skjálftarnir eru flestir í tveimur þyrpingum annars vegar sunnarlega á kvikuganginum nærri Grindavík og hinsvegar á svæðinu milli Sundhnúks og Stóra Skógfells.

Hættumat hefur verið uppfært og helst óbreytt og gildir til 18.júní að öllu óbreyttu.

Tengdar fréttir

Eldvirkni á Reykjanesskaga

Hrinan sækir í sig veðrið en þykir ekki óeðlileg

• Skjálftahrina úti fyrir Reykjanesskaga
• Enn nokkur hætta í og í kringum Grindavík
• Grindavíkurbær auglýsir íbúðir til leigu
• Framlengja fresti vegna kaupa á húsnæði

» Fleiri tengdar fréttir

• Blogga um frétt