Bifhjólamenn ósáttir við gjaldið

„Í stað þess að lækka gjaldið fyrir okkur ákvað nefndin að hækka gjaldið fyrir útlendinga og halda okkur í sömu tölu,“ segir Njáll og nefnir jafnframt að um mjög skrýtna ákvörðun sé að ræða, þá sérstaklega í ljósi þess að rökstuðningur nefndarinnar sé að flest bifhjól séu 400 kíló og yfir, sem Njáll segir alrangt.

Að sögn Njáls eru þung bifhjól einnig tífalt léttari en léttustu bílar sem falla undir kílómetragjaldið en eigendur slíkra bíla ættu greiða 6,7 krónur á kílómetra.

„Þetta er engan veginn sanngjarnt gagnvart bifhjólafólki. Við erum að borga tífalt á við aðra,“ segir Njáll og heldur áfram: „Fólk hefur verið að tala um að þetta sé dauðadómur fyrir að keyra mótorhjól á Íslandi af því að það eru nú nógu háar tryggingar fyrir. Okkur finnst illa að okkur vegið.“

Aðspurður segir Njáll að málið verði tekið fyrir á fundi samtakanna síðar í vikunni, en hann var staddur í Svíþjóð á fundi FEMA, Evrópusamtaka bifhjólafólks, sem Sniglar eru aðilar að, er blaðamaður náði af honum tali.