Borgin ætti að sækja skaðabætur

Skýrsla um hönnun og framkvæmdir Brákarborgar var kynnt í borgarráði á fimmtudag og birtist sama dag. Hún varpar ljósi á alvarleg mistök sem gerð voru í undirbúningi er varðar hönnun, framkvæmd og eftirlit með byggingu Brákarborgar.

Kemur þar t.a.m. fram að byggingin hafi ekki uppfyllt burðarvirkiskröfur samkvæmt staðli um burðarþol og jarðskjálfta. Einnig að burðarvirkishönnuður hafi ekki uppfyllt hæfisskilyrði fyrir burðarvirkishönnun skólabyggingar og að hann hafi verið valinn á grundvelli lægsta verðs. Sömuleiðis hafi vantað samþykktar burðarvirkisteikningar og fullnægjandi hönnunargögn þegar framkvæmdir hófust.

Í svari sínu segir Dagur borgarráð vera að taka skynsamlega á málinu með því að fela Heiðu Björgu Hilmisdóttur borgarstjóra að leiða vinnu að innri umbótum á grundvelli skýrslunnar.

„Miklu skiptir svo að framkvæmdum ljúki farsællega og starfsemi geti hafist í hinu nýja húsnæði Brákaborgar í haust. Það er hluti af metnaðarfullri áætlun borgarinnar við að fjölga leikskólaplássum, sem ég fagna,“ segir Dagur.