Umboðsmaður Alþingis hefur óskað eftir upplýsingum frá Reykjavíkurborg vegna fundargerðar afgreiðslufundar skipulagsfulltrúa Reykjavíkurborgar sem var tekin út af heimasíðu borgarinnar og breytt áður en hún var birt aftur. 

Greint var frá því í síðasta mánuði að Reykjavíkurborg tók fundargerð afgreiðslufundar skipulagsfulltrúa með umsögn um kjötvinnslu í vöruskemmunni við Álfabakka, breytti henni og birti hana aftur daginn eftir. 

Í upphaflegri fundargerðinni sagði skipulagsfulltrúinn að á Íslandi væri leyfi til að gera ljótar byggingar á Íslandi mikið. 

„Lög­gjöf­in spyr hvorki um fag­ur­fræði né sam­hengi. Það er því sorg­leg staðreynd að þeir sem fara með völd, fjár­magn og fyr­ir­ferðar­mik­inn rekst­ur skuli ekki sýna frek­ari metnað í upp­bygg­ingu á miðsvæðum höfuðborg­ar­svæðis­ins,“ stóð þar jafnframt. 

Frétt af mbl.is

Breyttu umsögn um kjötvinnslu

Spyr hvort það tíðkist að breyta fundargerðum

Umboðsmaður Alþingis óskar eftir upplýsingum um hvort að fundargerðin hafi verið tekin út af vefsíðunni og sett inn á nýjan leik með breyttri umsögn skipulagsfulltrúa og þá hvort útgáfa þessarar umsagnar hafi verið samþykkt á fundi. 

„Hafi umsögninni verið breytt eftir að fundargerðin var birt er óskað upplýsinga um hvaða breytingar hafi verið gerðar, hvers vegna og á hvaða grundvelli. Hafi breytingar verið gerðar á fundargerðinni er óskað upplýsinga um hvort sú framkvæmd tíðkist almennt við birtingu fundargerða hjá Reykjavíkurborg og þá við hvaða aðstæður.“

Einnig er óskað upplýsinga um síðustu fimm tilvik þar sem fundargerðum var breytt og hvort það tíðkist að gera slíkar breytingar á annað borð. 

Umboðsmaður mun ákveða hvort málið verði tekið til frekari athugunar eftir að svar hefur borist við þessum spurningum. Svör borgarinnar skulu berast umboðsmanni í síðasta lagi 26. júní. 

Tengdar fréttir

Vöruhús við Álfabakka 2

Innri endurskoðandi hættur

• Græna gímaldið mistök sem má ekki endurtaka
• „Leyfi til að gera ljótar byggingar er mikið“
• Grænt svæði í skjóli og skugga gímaldsins
• Kjötvinnsla ekki í umhverfismat

» Fleiri tengdar fréttir

• Blogga um frétt