Vodafone og Stöð 2 verða Sýn

Vörumerkin Vodafone, Stöð 2, Stöð2+ og Stöð 2 Sport hafa sameinast undir merkjum Sýnar.

Þetta kemur fram í tilkynningu frá Sýn, sem er nýtt aðalheiti félagsins og kemur í stað Vodafone og Stöðvar 2.

Öll þjónusta fyrirtækisins verður aðgengileg samkvæmt tilkynningunni á vefnum
syn.is.

Fjarskiptaþjónusta félagsins verður veitt í nafni Sýnar í nánu samstarfi við Vodafone Group á alþjóðavísu. SÝN er nýtt heiti á línulegu sjónvarpstöðinni Stöð 2 og SÝN+ nýtt heiti á streymisveitunni Stöð 2+. SÝN Sport er þá nýtt heiti á Stöð 2 Sport og fréttastofa Sýnar er nýtt heiti á Fréttastofu Vísis, Stöðvar 2 og Bylgjunnar. Útvarpsstöðvarnar Bylgjan, FM957 og X977 halda sínum nöfnum óbreyttum eins og fréttamiðillinn Vísir.

Frétt af mbl.is

Stöð 2 og Vodafone kveðja

Fleira spennandi framundan

„Samhliða þessum breytingum kynnir Sýn nýtt og einfaldað vöruframboð sem sameinar öfluga fjarskiptaþjónustu, hágæða sjónvarpsefni og einstakt úrval af íþróttum,“ sem segir í tilkynningunni.

Haft er eftir Herdísi Dröfn Fjeldsted, forstjóra Sýnar, saga félagsins sé samofin sögu frumkvöðla sem þorðu að ögra ríkjandi kerfum, afnema einokun og bjóða upp á ferska nálgun í þjónustu við viðskiptavini.

„Við vitum að þau vörumerki sem við leggjum nú á hilluna hafa fylgt þjóðinni lengi og eru henni kær. Viðskiptavinir Sýnar geta áfram treyst á örugg fjarskipti, áreiðanlegar fréttir og framúrskarandi dagskrárgerð á öllum okkar miðlum.

Ég hvet landsmenn til að fylgjast með félaginu næstu mánuði því að það er fleira spennandi fram undan hjá Sýn,“ er haft eftir Herdísi í tilkynningunni.

• Blogga um frétt