Umdeildum þingfundi frestað
Setja bókamerki
Þingfundi var rétt í þessu frestað fram á morgun og hefst þá aftur klukkan 15.
Fundurinn sem hófst klukkan 13 í dag var nokkuð óvenjulegur af þeim sökum að um var að ræða annað skipti sem boðað er til þingfundar á sunnudegi í sögu lýðveldisins.
Þó að svokölluð bókun 35 hafi verið á dagskrá fundarins fór stærstur hluti hans í umræður um störf þingsins.
Brýtur gegn kristinni hefð
Þingmenn stjórnarandstöðunnar voru margir nokkuð ósáttir með ákvörðun forseta þingsins, Þórunnar Sveinbjarnardóttur, um að boða til fundar á sunnudegi. Jón Gunnarsson, þingmaður Sjálfstæðisflokksins, talaði til að mynda um að ábyrgð hennar væri mikil á því fordæmi sem hún setti nú.
Þá vísaði Karl Gauti Hjaltason, þingmaður Miðflokksins, í Konstantínus keisara sem „gaf út fyrirmæli árið 321 um að sunnudagurinn ætti að vera hvíldardagur“. Karl Gauti sagði ríkisstjórnina nú brjóta þá kristnu hefð.
„Það væri þá bara hið besta mál“
Segir eldgosið „furðulega líkt“ fyrri eldgosum
Skelfileg tilfinning að sjá listann
Fallist á samkomulag um vopnahlé
„Við munum ekki sitja hljóð og horfa á“
Logandi gígum fækkar