Stefnir í metfjölda á Ísafirði

„Eins og staðan er í dag er 44% fækkun fyrir næsta ár,“ segir Hilmar. Það skal tekið fram að enn er opið fyrir bókanir en Hilmar segist ekki eiga von á því að mikið bætist við.

Inntur eftir ástæðu nefnir Hilmar innviðagjaldið sem samþykkt var um áramótin. Það segir hann spila rullu í fækkuninni. „Þetta hefur svakaleg áhrif hérna úti á landi,“ segir Hilmar um innviðagjaldið.

Hann segir skemmtiferðaskipin skila miklu inn í samfélagið og nefnir veitingastaði, verslanir og rútufyrirtæki í því samhengi. „Þegar allt kemur til alls er fólk sátt við þetta,“ segir Hilmar.

Þrátt fyrir mikinn fjölda fólks í gær er útlit fyrir að enn fleiri komi aðra daga í mánuðinum. 25. júlí er t.a.m. hámarksfjöldi farþega á skipunum sem koma átta þúsund. Það er þó ekki þar með sagt að skipin verði fullbókuð, en útlit er fyrir fjölmennt mannlíf á Ísafirði þann daginn.