Styrkur fíns svifryks (PM1) hefur verið hækkaður á nokkrum mælistöðvum í borginni yfir helgina og í dag. Hækkunina má líklega rekja til mengunar frá skógareldum í Kanada.

Samkvæmt kanadísku veðurstofunni hafa mengunarský frá skógareldunum dreifst um Kanada, Bandaríkin og til Evrópu.

Þeir sem viðkvæmir eru fyrir í öndunarfærum gætu fundið fyrir óþægindum en verði um þau vart skal takmarka útivist eins og unnt er.

Þetta kemur fram í tilkynningu á vef Reykjavíkurborgar.

Loftgæði mæld með litakóða

Heilbrigðiseftirlit Reykjavíkur fylgist náið með loftgæðum borgarinnar og sendir frá sér viðvaranir og leiðbeiningar ef ástæða þykir til.

Hægt er að fylgjast með styrk svifryks og annarra mengandi efna á loftgaedi.is. Þar má sjá kort yfir mælistaði í Reykjavík og annars staðar á landinu.

Ljósmynd/Reykjavíkurborg

Loftgæðavefur Umhverfisstofnunar metur loftgæði með litakóðanum hér að ofan.

Mjög góð = Lítil sem engin loftmengun. Líklega engin heilsufarsleg áhrif.

Góð = Lítils háttar loftmengun. Lítil sem engin heilsufarsleg áhrif.

Sæmileg = Nokkur loftmengun. Mjög viðkvæmir einstaklingar og einstaklingar með astma eða aðra undirliggjandi lungna- og/eða hjartasjúkdóma geta fundið fyrir einkennum vegna aukins styrks loftmengunarefna í andrúmslofti.

Tengdar fréttir

Umhverfisvitund

Gera tilraunir með sorpflokkun

• Bæta úrgangsflokkun á íþróttaviðburðum
• Minni innkaup á eldsneyti en áður
• Styrkja kaup á nytjahjólum um 200.000
• Rusl höfuðborgarbúa minnkar verulega á milli ára

» Fleiri tengdar fréttir

Veður

Skýjað og væta í flestum landshlutum

• Einhverjar líkur á þrumuveðri
• Skemmdir vegna bikblæðinga líklegri í hraðakstri
• Líkur á eldingum síðdegis
• Hiti gæti farið yfir 26 stig í dag

» Fleiri tengdar fréttir

• Blogga um frétt