Í dag má búast við suðlægri eða breytilegri átt 3-8 metrum á sekúndu og smáskúrum á víð og dreif eftir hádegi. Það bætir þá líklega í úrkomu í kvöld.

Búast má við vestlægari átt á morgun, skýjað verði með köflum og stöku skúrir en suðaustan 5-10 metrar á sekúndu vestast annað kvöld með dálítilli rigningu.

Hiti verður á bilinu 7 til 15 stig, hlýjast austan til.

Hægur vindur á morgun

Í hugleiðingum veðurfræðings á vef Veðurstofu Íslands segir að smálægð nálgist landið úr suðvestri og í kvöld komi úrkomusvæði frá lægðinni inn á sunnanvert landið og haldi til norðurs. Þá bæti víða í úrkomu.

Á morgun sé áfram útlit fyrir fremur hægan vind og víða verði skýjað með köflum og úrkomulítið. Annað kvöld gangi í suðaustan 5-10 metra á sekúndu vestast á landinu með dálítilli vætu.

Veðurvefur mbl.is

Tengdar fréttir

Veður

Líkur á eldingum síðdegis

• Hiti gæti farið yfir 26 stig í dag
• Trompaði fyrra hitamet um 9,4 gráður
• Hitamet fyrir norðan: Líst illa á næstu daga
• Segir enn hlýrra loft í vændum

» Fleiri tengdar fréttir

• Blogga um frétt