Meintur árásarmaður úrskurðaður í gæsluvarðhald

Héraðsdómur Reykjaness hefur staðfest gæsluvarðhald yfir manni sem grunaður er um alvarlega líkamsárás í Reykjanesbæ í gærkvöldi.

Þetta kemur fram í tilkynningu frá lögreglunni en ekki er tekið fram hversu langt gæsluvarðhald hafi verið farið fram á.

Í tilkynningunni segir að ástand þess er ráðist var á sé stöðugt en alvarlegt. Rannsókn málsins miði vel áfram en ekki verða veittar frekari upplýsingar um málið að svo stöddu. 

Frétt af mbl.is

Fluttur á sjúkrahús eftir alvarlega stunguárás

Alvarlegir stunguáverkar

Greint var frá því fyrr í dag að einn hefði verið fluttur til Reykjavíkur á sjúkrahús með alvarlega stunguáverka eftir líkamsárás í Reykjanesbæ.

Lögreglunni barst tilkynning um málið rúmlega klukkan tíu í gærkvöldi og hóf strax leit að meintum árásarmanni. Viðkomandi fannst á höfuðborgarsvæðinu laust eftir miðnætti.

• Blogga um frétt