Metfjöldi útskrifaðist með doktorspróf frá HR

Í gær voru samtals 697 nemendur brautskráðir frá Háskólanum í Reykjavík. Alls luku nítján nemendur doktorsprófi frá skólanum sem er metfjöldi í sögu skólans.

Frá tölvunarfræðideild útskrifuðust ellefu nemendur með doktorspróf, fimm frá verkfræðideild og tveir frá viðskipta- og hagfræðideild. Fyrsti nemandinn til að ljúka doktorsprófi frá íþróttadeild HR útskrifaðist einnig í gær.

326 nemendur útskrifuðust af tæknisviði og 371 af samfélagssviði. Flestir útskrifuðust frá verkfræðideild eða alls 143.

Ragnhildur Helgadóttir, rektor skólans, minnti nemendur á í ræðu sinni að lífið snýst um meira en keppni. 

Ásta Sigríður Fjelsted, forstjóri Festis og stjórnarmaður í Viðskiptaráði Íslands, flutti ræðu fyrir hönd ráðsins, en Viðskiptaráð Íslands er einn af eigendum og stofnendum Háskólans í Reykjavík.

Útskriftin fór fram í Eldborg í Hörpu og var útskrifað af tæknisviði fyrir hádegi og af samfélagssviði eftir hádegi.