Árlegur flugdag­ur Flugsafns Íslands var hald­inn á Ak­ur­eyra­rvelli á laugardaginn var, 21. júní.

„Dagurinn tókst frábærlega. Þetta er næststærsti flugdagurinn okkar til þessa, það komu yfir 2.000 manns og nutu alls þess sem flug hefur upp á að bjóða í góðu veðri og góðum félagsskap,“ segir Stein­unn María Sveins­dótt­ir, for­stöðukona Flugsafns­ins.

„Við gætum ekki verið ánægðari með daginn.“

Steinunn segir tugi véla hafa verið til sýnis. Tékkneski flugherinn og bandaríski sjóherinn hafi tekið þátt í deginum ásamt því að sýnt hafi verið listflug, gírókoptaflug og þrjár kynslóðir sjúkraflugvéla svo eitthvað sé nefnt.