Í dag má búast við norðaustan 5-13 metrum á sekúndu en hægari suðvestan til. Súld eða rigning verður með köflum en úrkomuminna sunnan- og vestanlands.

Það bætir í vætu sunnan- og vestan til á morgun en dregur úr úrkomu á Norður- og Austurlandi.

Hiti verður í bilinu 7 til 16 stig, svalast austanlands.

Í hugleiðingum veðurfræðings á vef Veðurstofu Íslands segir að skammt norðaustur af Færeyjum sé lægð og frá henni liggi lægðardrag til vesturs.

Þannig ráði norðaustlægar áttir ríkjum á landinu í dag. Yfirleitt verði stinningsgola eða kaldi en sums staðar strekkingur norðvestan til og við suðausturströndina.

Rigning og súld verði norðaustan og austanlands en annars yfirleitt skýjað og þurrt að kalla.

Á morgun dragi úr vætu fyrir austan en búast megi við dálítilli rigningu á Suður- og Vesturlandi.

Litlar breytingar verði á stöðu veðrakerfanna í kringum okkur fram yfir miðja viku og því megi búast við svipuðu veðri, austlægum áttum og víða vætu.

Veðurvefur mbl.is

Tengdar fréttir

Veður

Mestum hita spáð fyrir austan

• Veðrið verst á norðanverðu Snæfellsnesi
• Gul viðvörun á morgun
• Allt að 20 stiga hiti sunnanlands í dag
• Bjart með köflum og hiti að 18 stigum

» Fleiri tengdar fréttir

• Blogga um frétt