Birnan sem gekk á land er komin til að vera

Þótt ólíklegt sé að rekast á bjarndýr á Hornströndum er gott að hafa augun opin. Þessi fallega birna kom á land og var felld í Rekavík bak Höfn árið 2011.

Hún hefur nú, 14 árum síðar, verið stoppuð upp og flutt í Hornstrandastofu þar sem hún verður til sýnis.

„Hún er komin heim. Við erum mjög spennt að sýna hana, hún er ofsalega falleg,“ segir Kristín Ósk Jónasdóttir, sérfræðingur hjá Náttúruverndarstofnun.