Í dag er spáð fremur hægri austlægri eða breytilegri átt, að því er fram kemur í hugleiðingum veðurfræðings Veðurstofu Íslands.

Skýjað verði að mestu á landinu og dálítil væta hér og þar en „ekki er útlit fyrir að neinn landshluti sleppi alveg við úrkomu“.

Hiti verði á bilinu 7 til 15 stig, mildast á Vesturlandi.

Hlýjast fyrir norðan á morgun 

Á morgun er spáð eilítið ákveðnari vindi en áttin verður áfram austlæg.

Búast má við rigningu eða súld með köflum en það ætti að haldast þurrt á norðanverðu landinu fram á síðdegið. Jafnframt verður hlýjast fyrir norðan, 16-17 stig þar sem best lætur.

„Á fimmtudag er síðan útlit fyrir vætusaman dag um allt land,“ segir í hugleiðingum veðurfræðings.

Veðurvefur mbl.is

Tengdar fréttir

Veður

Hiti gæti farið yfir 26 stig í dag

• Trompaði fyrra hitamet um 9,4 gráður
• Hitamet fyrir norðan: Líst illa á næstu daga
• Segir enn hlýrra loft í vændum
• 1.700 gestir á tjaldsvæðinu á Akureyri

» Fleiri tengdar fréttir

• Blogga um frétt