Frétt af mbl.is

Asbest fannst á meðferðarheimili fyrir börn

Áður hafði verið gert ráð fyrir að heimilið yrði opnað í lok september eða byrjun október, en framkvæmdir hafa eitthvað dregist og seinkun verður því á opnun.

„Ég leyfi mér næstum að segja að það verði bylting. Það mun breyta rosalega miklu. Þá komumst meira út úr því ástandi sem við höfum verið í,“ segir Funi um áhrif opnunar Lækjarbakka, en mikið úrræðaleysi hefur ríkt síðustu misseri í málefnum barna með fjölþættan vanda. Neyðarástandi hefur ítrekað verið lýst yfir í málaflokknum og umboðsmaður barna hefur krafist tafarlausra úrbóta.

Frétt af mbl.is

Barn brýtur niður hurðir: Talið að þær myndu halda

Frétt af mbl.is

„Var farinn að segja við mig að hann vildi deyja“

Ljóst er að töluverður frágangur er eftir í Gunnarsholti. Ljósmynd/Aðsend

Foreldrar ósáttir við meðferð á Stuðlum

Lækjarbakka, sem er langtímameðferðarheimili fyrir drengi með fjölþættan vanda, var lokað vegna myglu í apríl á síðasta ári. Ekki hefur því verið starfrækt langtímameðferðarheimili fyrir drengi hér á landi í rúmt ár. Einhverjir drengir hafa þó verið í langtímameðferð á Stuðlum, en þeir foreldrar sem mbl.is hefur verið í sambandi við hafa verið ósáttir við það úrræði. 

Vilja þeir meina að lítið meðferðarstarf fari þar fram og aðgengi að fíkniefnum sé mikið. Þá hefur starfsfólk einnig lýst ófremdarástandi sem þar hefur skapast vegna einstaklinga með of ólíkan vanda sem hafðir eru þar saman.

Dæmi eru um að foreldrar hafi farið með syni sína í kostnaðarsama meðferð í útlöndum vegna úrræðaleysis hér heima. Stúlkur fara hins vegar í langtímameðferð á Bjargey í Eyjafirði.

Sex meðferðarpláss fyrir drengi verða á Lækjarbakka í Gunnarsholti.

Frétt af mbl.is

Staðan verri en þegar lægsta punktinum var náð

Frétt af mbl.is

Grunnskólabörn í útigangi og sækja ekki skóla

Ljósmynd/Aðsend

Enginn á biðlista eins og er

Funi segist gera ráð fyrir því að auglýsa eftir starfsfólki í september svo allt verði klárt þegar húsið fæst afhent. Þá er búið að kaupa eitthvað af húsgögnum.

Gert er ráð fyrir að þeir drengir sem nú eru í langtímameðferð á Stuðlum fari yfir á Lækjabakka um leið og opnað verður, en Funi segir í raun engan dreng formlega á biðlista eftir langtímameðferð hjá þeim núna.

Frétt af mbl.is

„Fullt af rauðum flöggum“ sem hefði átt að grípa

Frétt af mbl.is

Hnífar, fíkniefni og stríðsástand á Stuðlum