Guðmundur Ingi Kristinsson, mennta- og barnamálaráðherra, segir að gömlu samræmdu prófin hafi verið hætt að virka. Spurður af hverju þau voru hætt að virka kveðst hann ekki „nenna“ að athuga af hverju.

Þetta kom fram í Bítinu á Bylgjunni í morgun.

Í viðtalinu var farið yfir stöðuna í menntakerfinu á Íslandi og þegar hann lét þessi ummæli falla var umræðan farin að snúast um samræmd próf, en samræmdu könnunarprófunum var varpað fyrir róða fyrir nokkrum árum. Í staðinn á að koma svokallaður matsferill á vegum Miðstöðvar menntunar og skólaþjónustu.

Frétt af mbl.is

Algjört áhugaleysi, stefnuleysi og sinnuleysi

„Við erum að koma þessum gagnagrunni á, sem er bylting,“ sagði ráðherrann og hélt áfram:

„Við erum að setja samræmd próf, en að vísu í nútímanum. Það var einhver sem vildi bara fá gömlu samræmdu prófin sem voru áður. Þau voru búin, þau virkuðu ekki,“ sagði Guðmundur.

„Er hægt að bjóða börnunum okkar upp á þetta?“

Lilja Katrín Gunnarsdóttir, einn af þáttstjórnendunum, spurði þá menntamálaráðherra af hverju gömlu samræmdu prófin virkuðu ekki.

„Ég nenni ekki einu sinni að gá að því hvers vegna,“ svaraði hann.

Jón Pétur Zimsen, þingmaður Sjálfstæðisflokksins, hefur deilt upptökunni á samfélagsmiðlum þar sem hann spyr:

„Er hægt að bjóða börnunum okkar upp á þetta?“

Tengdar fréttir

Skólakerfið í vanda

Skilar sér margfalt að aðstoða barn í 1. bekk

• „Svo er bætt við þetta ýmsu „woke“ orðasalati“
• Fagnar tillögu um móttökudeildir en vill ganga lengra
• Vill innleiða fyrirkomulag sem borgin er andvíg
• Segir að ekki eigi að óttast gervigreind í skólum

» Fleiri tengdar fréttir

• Blogga um frétt