Ríkisstjórnin horfir inn á við en ekki til Evrópu
Setja bókamerki
Kristrún Frostadóttir forsætisráðherra ætlar ekki að láta Evrópuvegferð trufla sig við að ná þeim árangri í efnahagsmálum sem hún hefur einsett sér, ríkisstjórnin horfi inn á við, á ríkisfjármálin, með það í huga að ná verðbólguvæntingum niður, og þar með vöxtum.
„Ég hef sagt og mun segja það áfram að ég er fyrst og fremst í þessu starfi fulltrúi ríkisstjórnarinnar og þjóðarinnar til þess að standa vörð um hagsmuni þjóðarinnar og vil ráðast í aðgerðir eða vegferðir sem munu styrkja hag þjóðarinnar. Og við erum ekki að eyða tíma í eitthvað núna sem tekur orku í annað,“ segir forsætisráðherra.
Kristrún segir ríkisstjórnina eingöngu einblína á beitingu ríkisfjármálanna. „Evrópumálin snerta ekki núverandi efnahagsástand. Það liggur alveg fyrir. Þessi ríkisstjórn er að horfa inn á við. Hún er að horfa á umbætur í ríkisrekstri, að styrkja afgang og stöðu ríkissjóðs,“ segir hún.
Kristrún leggur áherslu á að ríkisstjórnin taki stöðuna alvarlega og leggi sitt af mörkum til að ná vöxtum niður.
Nánar má lesa um málið á bls. 4 í Morgunblaðinu í dag og í Mogga-appinu.
Vaxtasleggjan missti marks
Eðlilegast að endurhanna húsnæðið
Sýnir að engin mörk eru virt
Telur meðferðarmál barna eiga heima hjá sér
„Hann lýsti því að hann náði ekki andanum“
„Þar erum við að sumu leyti eftirbátar“
„Verðbólgan verður erfið viðureignar“
Á endanum búið til til að græða pening