Beint: Brunavarnir og öryggi til framtíðar
Setja bókamerki
Fimm ár eru liðin frá eldsvoðanum á Bræðraborgarstíg þar sem veikleikar í kerfum og regluverki komu skýrt í ljós. Í kjölfarið hófst víðtæk umbótavinna þar sem stofnanir og atvinnulíf tóku höndum saman með það markmið að efla öryggi og bæta eftirlit.
Af því tilefni standa Húsnæðis- og mannvirkjastofnun, Samtök fyrirtækja í fjármálaþjónustu, Slökkvilið höfuðborgarsvæðisins og Samtök iðnaðarins sameiginlega að ráðstefnunni Brunavarnir og öryggi til framtíðar. Hægt verður að fylgjast með fundinum í beinni útsendingu hér fyrir neðan. Fundurinn hefst kl. 9.
Á ráðstefnunni verður farið yfir helstu lærdóma síðustu fimm ára, hvaða breytingar hafa orðið á regluverki, ábyrgðarskiptingu og framtíðaráskoranir í brunavörnum, að því er segir í tilkynningu.
Meðal spurninga sem leitast verður við að svara:
- Hvernig stöndum við á Íslandi þegar kemur að brunavörnum?
- Hvert er umfang bruna og brunatjóna hér á landi?
- Hvaða tækifæri eru til að gera betur á þessu sviði?
Fyrirlesarar á ráðstefnunni verða:
- Inga Sæland, félags- og húsnæðismálaráðherra
- Daði Már Kristófersson, fjármála- og efnahagsráðherra
- Jón Viðar Matthíasson, slökkviliðsstjóri Slökkviliðs höfuðborgarsvæðisins og framkvæmdastjóri Almannavarnanefndar höfuðborgarsvæðisins - Hvað ef ég hefði…? - Samfélagsleg ábyrgð okkar allra
- Regína Valdimarsdóttir, framkvæmdastjóri brunavarna- og markaðseftirlitssviðs HMS - Bræðraborgarstígur fimm árum síðar - frá harmleik til umbóta.
- Aleksandra Leonardsdóttir, sérfræðingur hjá ASÍ.
- Birgir Viðarsson, framkvæmdastjóri sölu og ráðgjafar hjá Sjóvá.
- Tryggvi Már Ingvarsson, framkvæmdastjóri fasteignasviðs HMS - Brunabótamat - öryggi almennings vegna fjárhagslegs tjóns af völdum bruna.
- Guðni I. Pálsson, brunahönnuður hjá COWI, Brunahönnun bygginga - lærdómur, áskoranir og tækifæri
- Fundarstjóri: Heiðrún Jónsdóttir, framkvæmdastjóri SFF
Ítölsk ljós í skólastofur kostuðu tugi milljóna
Telur meðferðarmál barna eiga heima hjá sér
Kynnir nýja bandaríska hernaðaraðgerð
„Hann lýsti því að hann náði ekki andanum“
Aðför að börnum, fjölskyldunni og samfélaginu
Dæmdur í 16 ára fangelsi fyrir manndráp á Akureyri
„Þar erum við að sumu leyti eftirbátar“