Geislunartæki hafa verið pöntuð

Frétt af mbl.is

E.coli í neysluvatni á Stöðvarfirði

Skoða hugsanlega orsök

Heilbrigðiseftirlit Austurlands tók sýni í kjölfar mikilla rigninga undanfarið og þetta er niðurstaða rannsókna á þeim. Sveitarfélagið segir nauðsynlegt að íbúar sjóði allt vatn til neyslu en að óhætt væri að bata sig í vatninu. Sýni verða tekin aftur eftir helgi þegar rigningin, sem er í kortunum, er yfirstaðin.

Aðspurður segir bæjarstjórinn óljóst hvað valdi bakteríusýkingunni. Það sé til skoðunar hjá sveitarfélaginu. Eva Jörgensen Stöðfirðingur sagði í samtali við mbl.is fyrr í sumar að gangur hreindýra og fýll í kringum vatnsbólið væri áhyggjuefni en E.coli smitast frá saur blóðheitra dýra eða manna. Skýringin liggur þó ekki fyrir en lokin á vatnsbrunnum eru meðal þess sem sveitarfélagið skoðar, að sögn Jónu.

„Forgangsatriðið var að kaupa geislatæki og vera alveg viss um að við værum að setja það á réttar lagnir,“ segir Jóna. Vatnskerfið er gamalt og því þurfti að leggjast í talsverða undirbúningsvinnu til að kortleggja lagnirnar sem á að geisla.

Geislatæki hafa verið notuð í fleiri byggðarlögum á Austurlandi en á vef Heilbrigðiseftirlits Austurlands segir að stofnunin hafi geislað vatn á Vopnafirði, Seyðisfirði, Eskifirði og Djúpavogi.

Tæplega 200 manns búa á Stöðvarfirði sem er hluti af sveitarfélaginu Fjarðarbyggð. Jóna, bæjarstjóri þess, gat ekki sagt til um hversu mikið geislunartækin myndu koma til með að kosta. „Kostnaður hefur aldrei verið neitt atriði í þessu máli gagnvart því að það sé öruggt vatn.“