Lögreglan á höfuðborgarsvæðinu varar við tölvupósti netþrjóta sem nú eru að senda út í nafni Ríkisskattstjóra.

Lögreglan segir í tilkynningu að hér sé um svik að ræða en með póstinum er verið að reyna að færa fólk inn á hlekk sem er til að opna rafræn skilríki.

„Við vörum við þessum pósti, en hann á að fara sömu leið og allir aðrir svikapóstar – eða beinustu leið í ruslið,“ segir í tilkynningunni.

Þá hvetur lögreglan fólk í þessum tilfellum sem öðrum að vera athugult og kynna sér m.a. ávallt tölvupóstfang sendanda.

„Netfangið noreply@smartijcc.com er t.d. með öllu ótengt skattinum. Sé ýtt á hlekkinn birtist enn fremur ekki síðan island.is.

Og loks má nefna að heimilisfang Skattsins í tölvupósti netþrjótanna er rangt,“ segir enn fremur í tilkynningu lögreglunnar.

Tengdar fréttir

Netsvik

Héraðssaksóknari: „Þetta er slatti“

• „Við munum nota öll úrræði sem okkur standa til boða“
• Tekur yfir rannsókn stóra fjársvikamálsins
• Fjársvikamálið teygir sig lengra aftur í tímann
• Beið fjárhagsupplýsinga en fékk aðeins óværu

» Fleiri tengdar fréttir

• Blogga um frétt