„Nýjung sem við erum að skoða“
Setja bókamerki
Ásgeir Jónsson seðlabankastjóri segir ekki tímabært að tjá sig um áhrif nýrra hlutdeildarlána húsnæðissjóðsins REIR20 á fasteignamarkaðinn.
Sjóðurinn leggur fram 20% af kaupverði fasteignar og verður meðeigandi með kaupendum til allt að tíu ára.
Á fundi fjármálastöðugleikanefndar Seðlabanka Íslands í morgun var spurt hvort hlutdeildarlánin gætu aukið möguleika fólks til að komast inn á fasteignamarkaðinn, hjálpað til við að losa um óseldar nýjar eignir eða hvort þau gætu haft víðtækari áhrif og hleypt fasteignamarkaðnum hérlendis af stað.
„Þetta er nýjung sem við erum að skoða,” svaraði Ásgeir. „Ég held að það sé ekki tímabært að gefa út miklar yfirlýsingar um áhrifin.”
Nefndi hann í framhaldinu að Seðlabankinn hefði álitið að reglur Seðlabankans um lánþegaskilyrði væru „mikilvæg handrið” fyrir fasteignamarkaðinn.
Þurfa meiri tíma
Tómas Brynjólfsson, varaseðlabankastjóri fjármálastöðugleika, sagði bankann hafa trú á því að greiðslubyrðarhlutfall og veðsetningarhlutfall bankans virki til að draga úr líkum á óstöðugleika á fjármálamarkaði.
„Varðandi þetta einstaka dæmi þá þurfum við að fá aðeins meiri tíma til að skoða það betur,” sagði Tómas.
Eðlilegast að endurhanna húsnæðið
Á endanum búið til til að græða pening
Ítölsk ljós í skólastofur kostuðu tugi milljóna
Áfallið var ólýsanlegt
Vaxtasleggjan missti marks
Fáheyrður fundur í norskri gröf
Vissi ekki af samningnum við fyrirtækið