Tilboð í smíði Fossvogsbrúar voru opnuð síðdegis í gær og bárust tvö tilboð í verkið. Lægra boðið kom frá Ístaki og Per Aarsleff AS. Bæði tilboðin voru umtalsvert umfram áætlun. Brúarsmíðin er hluti af fyrsta áfanga borgarlínuverkefnisins.

Í tilkynningu frá Betri samgöngum kemur fram að áætlaður kostnaður við brúarsmíðina hafi verið 5,96 milljarðar.

Tilboðin tvö sem bárust voru eftirfarandi:

• Ístak hf. & Per Aarsleff AS – Istak-Aarsleff JV. Tilboðsverð m/vsk 7.898.532.093 
• Depenbrock Scandinavia ApS & Depenbrock Ingenieurwasserbau GmbH & Co.  KG - JV Depenbrock Fossvogur. Tilboðsverð m/vsk 8.221.364.124 

Voru tilboðin því 33% og 38% umfram áætlaðan kostnað.

Þegar eru framkvæmdir farnar af stað við sjóvarnargarð og landfyllingar vegna brúarinnar, en verksamningur sem gerður var vegna þess var 70% af áætluðum kostnaði.

Fram kemur í tilkynningu að nú taki við ítarleg yfirferð og mat á tilboðum.

Framkvæmdir við landfyllingu og sjóvarnir fyrir Fossvogsbrú hófust fyrr á þessu ári. mbl.is/Karítas

Tengdar fréttir

Borgarlínan

Lokunin óraunhæf og gagnslaus

• Dóra Björt útskýrir flutningana
• Hönnun á 49 borgarlínustöðvum
• Allt á hugmyndastigi og ekkert tímasett
• Tólf þúsund íbúar fá 2.230 bílastæði

» Fleiri tengdar fréttir

Samgöngusáttmáli höfuðborgarsvæðisins

Dóra Björt útskýrir flutningana

• Hönnun á 49 borgarlínustöðvum
• Allt á hugmyndastigi og ekkert tímasett
• Segir tillögu Miðflokksmanna ekki raunhæfa
• Göngubrúin kostaði 600 milljónir

» Fleiri tengdar fréttir

• Blogga um frétt