Umboðsmaður barna segir það mikið áhyggjuefni hve mörg börn hafa haft stöðu sakbornings í ofbeldisbrotamáli það sem af er ári, en í lok júní höfðu 122 börn haft stöðu sakbornings í slíkum málum. Allt árið 2024 höfðu 150 börn stöðu sakbornings í ofbeldismálum. 

Þá höfðu 12 börn haft stöðu sakbornings í kynferðisbrotamáli frá ársbyrjun og til loka júnímánaðar.

Þetta kemur fram í samantekt umboðsmanns á bið eftir þjónustu við börn, sem birt hefur verið á vef embættisins.

Frétt af mbl.is

Geta þurft að bíða í meira en 4 ár eftir greiningu

Mikilvægt að greina orsakir

Bent er á að ofbeldisbrotamálum þar sem börn hafa stöðu sakbornings hafi fjölgað jafnt og þétt á síðustu tíu árum, en árið 2015 höfðu 74 stöðu sakbornings í ofbeldisbrotamálum.

„Þetta er alvarleg þróun og það er mikilvægt að stjórnvöld greini hvaða orsakir liggi þessari aukningu til grundvallar til þess að hægt sé að grípa til viðeigandi mótvægisaðgerða,“ segir í samantektinni.

Miðað við tölur frá lögreglunni í lok júní á þessu ári höfðu 110 börn stöðu brotaþola í ofbeldisbrotamáli og 40 börn stöðu brotaþola í kynferðisbrotamáli.

Frétt af mbl.is

Börn fremja fleiri ofbeldisbrot en nokkru sinni

Tengdar fréttir

Neyðarástand í málefnum barna

Íkveikja: Ekki skýrt að kveikjarar væru bannaðir

• Athugun á meðferðarheimilum: „Risastórt verkefni“
• Þurfa að geta svarað ákveðnum spurningum
• Tilkynningum vegna hegðunar barna stórfjölgar
• „Þá brotnaði ég niður og fór að hágráta“

» Fleiri tengdar fréttir

• Blogga um frétt