Play skuldaði Isavia hálfan milljarð
Setja bókamerki
Flugfélagið Play, sem fór i gjaldþrot á mánudaginn síðastliðinn, skuldaði Isavia um hálfan milljarð króna í lendingargjöld á Keflavíkurflugvelli.
Um er að ræða lendingargjöld fyrir ágúst og septembermánuð.
Þetta hefur Ríkisútvarpið eftir heimildum sínum.
Síðasta flugvél Play flaug af landi brott til Ósló í Noregi fyrr í dag. Vélin er í eigu kínverska flugfélagsins Air Calc en óvíst var hvort vélin yrði kyrrsett hér á landi en fram kom í yfirlýsingu frá Isavia að lagaskilyrði kyrrsetningar væru ekki uppfyllt. Á vélinni hvíli þó enn lögveð.
Þegar flugfélagið WOW fór í gjaldþrot árið 2019 voru vélar flugfélagsins, sem voru í eigu flugvélaleigunnar ALC, kyrrsettar á Keflavíkurflugvelli en WOW skuldaði Isavia þá tvo milljarða króna í lendingargjöld.
Hæstiréttur taldi hins vegar að ALC bæri ekki ábyrgð á skuldbindingum WOW og var kyrrsetningin því talin ólögmæt.
„Það hefur enginn talað við mig“
Ítölsk ljós í skólastofur kostuðu tugi milljóna
Sýnir að engin mörk eru virt
Nýta ungmenni og leita uppi fólk í búsetuúrræðum
Enn er beðið aðgerða stjórnvalda
Telur meðferðarmál barna eiga heima hjá sér
Gervigreind áskorun fyrir allt menntakerfið