Riðuveiki í sauðfé hefur verið staðfest á bænum Kirkjuhóli í Skagafirði. Matvælastofnun hefur sent tilmæli til ráðherra um niðurskurð á hluta fjárins. 

Þetta kemur fram í tilkynningu frá Matvælastofnun. 

Grunur um riðuveiki vaknaði í síðustu viku hjá eigendum fjárins vegna dæmigerðra einkenna í einni þriggja vetra á og höfðu þeir umsvifalaust samband við Matvælastofnun.

„Kindin var aflífuð, sýni tekin úr henni og sett var á flutningsbann vegna rökstudds gruns um riðuveiki. Tilraunastöð HÍ í meinafræði að Keldum hefur staðfest hefðbundna riðu í sýnunum,“ segir í tilkynningunni. 

Leggja til niðurskurð á hluta fjárins

Faraldsfræðileg rannsókn er í gangi og stofnunin hefur sent tilmæli til ráðherra að fyrirskipa niðurskurð á hluta fjárins.

„Niðurskurður er skipulagður samkvæmt landsáætlun um útrýmingu á sauðfjárriðu og gildandi reglugerðum þar um. Nokkur hluti fjárins á bænum er með verndandi eða mögulega verndandi arfgerð gegn riðu sem hefur áhrif á ákvörðunartöku um umfang niðurskurðar,“ segir í tilkynningunni.

Tengdar fréttir

Riðuveiki

Skref tekið nær riðulausu Íslandi

• Ánægjulegt að þurfa hvorki að nota byssu né hníf
• Munu fagna síðasta niðurskurðinum vegna riðu
• Stefna að riðulausu Íslandi fyrir 2044
• Skrifa undir landsáætlun um útrýmingu riðu

» Fleiri tengdar fréttir

• Blogga um frétt