Samþykktu 120 metra langt hús við Breiðholtskirkju

Byggingaráform og stækkun á lóðinni eiga sér sögu aftur til ársins 1991 þegar Reykjavíkurborg samþykkti að stækka lóðina og árið 2008 var samþykkt deiliskipulag þar sem lóðin og byggingarreitur voru stækkuð. Ekki er greitt fyrir byggingarmagn sem tilheyrir lóðarstækkun frá 1991, þar sem það var þegar greitt.

Í greinargerð með skipulagstillögunni kemur fram að færa eigi bíósali úr kjallara á fyrstu hæð og endurvekja skemmtistað í kjallaranum, en þar var veitingastaðurinn Broadway fyrir fjórum áratugum.

Uppbyggingaraðili lóðarinnar er Álfabakki 8 ehf., sami lóðarhafi og byggði vöruhúsið við Álfabakka 8 sem mikill styr hefur staðið um. Staða þess máls er sú að byggingarleyfið hefur verið kært til úrskurðarnefndar umhverfis- og auðlindamála með kröfu um niðurrif hússins á grundvelli þess að málið hafi verið illa kynnt og byggingin samræmist ekki Aðalskipulagi Reykjavíkur.