Jóhann Páll Jóhannsson, umhverfis-, orku-, og loftslagsráðherra, hefur verið settur staðgengill Ölmu Möller heilbrigðisráðherra.

Frá þessu greindi Kristrún Frostadóttir forsætisráðherra í samtali við mbl.is að loknum ríkisstjórnarfundi í morgun.

Í gær greindi Alma frá því á Alþingi að hún muni ekki koma að máli sem snýr að uppsögn ferliverkasamninga lækna á Sjúkrahúsinu á Akureyri.

„Sú sem hér stendur mun ekki koma að þessu máli. Ég hef sagt mig frá því vegna skyldleika við einn af þeim aðilum sem þarna starfa þannig að það yrði þá annar ráðherra,“ sagði Alma þegar Ingibjörg Isaksen, þingmaður Framsóknarflokksins, spurði hana út í uppsögn samninganna undir liðnum óundirbúnar fyrirspurnir.

Frétt af mbl.is

Ráðherra segir sig frá máli vegna skyldleika

Tengdar fréttir

Alþingi

Tókust á um brotthvarf Sigríðar

• Uppi varð fótur og fit á Alþingi
• Segir vaxtaviðmið Seðlabanka kynnt í dag
• Þingverðir taka á gluggagægjum
• Kristrún: Ekki hægt að gera allt fyrir alla

» Fleiri tengdar fréttir

• Blogga um frétt