Óæskilegt drónaflug á Norðurlöndunum var á meðal þess sem rætt var á fundi þjóðaröryggisráðs síðastliðinn föstudag auk þess sem ráðið fékk yfirlit um stöðu varnargetu Íslands. 

Þetta segir Kristrún Frostadóttir forsætisráðherra í samtali við mbl.is. 

Spurð hvort mögulegar aðgerðir til að auka varnargetu Íslands hafi verið til umræðu á fundinum segir Kristrún: 

„Nú ætla ég ekki að fara í smáatriðum yfir það sem gerðist á þessum fundi, það ríkir trúnaður um það. En það liggur alveg fyrir að það er geta í kerfinu til að bregðast við. Það er auðvitað verið að styrkja varnir út um allan heim,“ segir Kristrún. 

Frétt af mbl.is

„Við eigum að vera tilbúin en ekki hrædd“

Liggur fyrir að Ísland þurfi að bregðast við

Hún bendir á að stór ríki í Evrópu sem eru þegar með miklar varnir séu farin að bregðast við breyttu ástandi í alþjóðamálum og því liggi fyrir að Ísland þurfi að bregðast við með einum eða öðrum hætti. 

„Það er skynsamlegt að gera það í samstarfi við önnur ríki, nýta þekkingu og fá að taka þátt í verkefnum erlendis þannig að við séu ekki ein á báti,“ segir Kristrún. 

Þetta var í annað sinn sem þjóðaröryggisráð hefur komið saman í tíð núverandi ríkisstjórnar. Hlutverk ráðsins er m.a. að hafa eftirlit með því að þjóðaröryggisstefna fyrir Ísland sé framkvæmd í samræmi við ályktun Alþingis og er það jafnframt samráðsvettvangur um þjóðaröryggismál. 

Ráðið skal einnig meta ástand og horfur í öryggis- og varnarmálum og fjalla um önnur málefni sem varða þjóðaröryggi. 

Tengdar fréttir

Varnarmál Íslands

Geimurinn, gervihnettirnir og Gyllta hvelfingin

• Treysta á hafnir Íslands
• Grunnur lagður að auknu samstarfi við Þjóðverja
• Vonandi enginn íslenskur her á minni lífstíð
• Sérkennilegt samtal fyrir herlausa þjóð

» Fleiri tengdar fréttir

• Blogga um frétt