Þykir vont að sjá ekki betur á spilin

Hildur Björnsdóttir borgarfulltrúi og oddviti sjálfstæðismanna segir að það sem þarna hafi verið til afgreiðslu sé óklárað uppgjör vegna byggingarréttar, en ekki ákvörðun um breytingu á deiliskipulagi.

„Okkur þótti vont að sjá ekki betur á spilin hvað er fyrirhugað á þessari lóð. Við höfum lagt á það áherslu í gegnum árin að Mjóddin verði endurskoðuð í heild og hugsuð sem mikilvæg þungamiðja verslunar og þjónustu fyrir Breiðholtið. Því miður hefur þróun mála ekki verið með þeim hætti að undanförnu, eins og dæmin sanna.“