Utanríkisráðuneytinu kunnugt um handtöku Möggu Stínu

Utanríkisráðuneytinu er kunnugt um að ísraelsk stjórnvöld hafi í dag farið um borð í skip, Conscience, sem sigldi áleiðis í áttina til Gasa. Íslenskur ríkisborgari sem var um borð hefur verið handtekinn.

Frétt af mbl.is

Ákall frá fjölskyldu Möggu Stínu sem var handtekin

Þetta kemur fram í tilkynningu frá utanríkisráðuneytinu en Margrét Kristín Blöndal, betur þekkt sem Magga Stína, var um borð í skipinu og var handtekin.

„Í samskiptum við fulltrúa ísraelskra stjórnvalda vegna þessa máls í vikunni hefur verið áréttað að íslensk stjórnvöld gerðu þá kröfu að Ísrael færi að alþjóðalögum og að mannréttinda þeirra verði gætt sem væru um borð í umræddu skipi. Utanríkisráðuneytið er í samskiptum við þar til bæra aðila til að veita viðkomandi einstaklingi borgaraþjónustu og hefur enn fremur verið í sambandi við aðstandendur viðkomandi. Áfram verður fylgst með málinu,“ segir í tilkynningunni.

• Blogga um frétt