Unnur Lilja Hermannsdóttir, annar skiptastjóra þrotabús Play, telur að hæfi hennar gagnvart þrotabúinu sé óskert, jafnvel þótt lögmannsstofa þar sem eiginmaður hennar er einn eigenda, BBA//Fjeldco, hafi verið helsti ráðgjafi Play.

Ekki síst átti það við þegar kom að skuldabréfaútboði og stofnun félags sem hafði þann tilgang að tryggja veð skuldabréfaútgefenda í gegnum maltneska starfsemi Play.

Meðal annars hefur því verið velt upp þeim möguleika að þrotabúið fari í riftunarmál gagnvart þeim viðskiptagjörningi sem tryggði lánveitendum í skuldabréfaútboði Play veð í Fly Play Europe á Möltu. Fari svo mun BBA//Fjeldco taka til varna gegn þrotabúinu.

Frétt af mbl.is

Með fjölskyldutengsl við lögmannsstofu Play

Skýr verkaskipting

Unnur segir í skriflegu svari til mbl.is að hún og Arnar Þór Stefánsson, sem einnig er skiptastjóri, skipti með sér verkum og að samkomulag ríki þeirra á milli um að allt sem viðkemur skuldabréfaútboði Play í ágúst, sem og verkefnum sem BBA//Fjeldco kom að fyrir Play, verði á herðum Arnars Þórs.

„Með þeirri verkaskiptingu fær hvor skiptastjóri fullt umboð til að taka ákvarðanir og gera ráðstafanir sem tengjast þeim verkefnum sem honum eru falin. Arnar Þór mun m.a. fjalla um allt sem varðar skuldabréfaútgáfu Play og tekur allar nauðsynlegar ákvarðanir í þeim efnum án minnar aðkomu,“ segir Unnur Lilja.

Hvorki vissi né gat vitað

Fram kom í samtali Ingibjargar Þorsteinsdóttur, dómstjóra Héraðsdóms Reykjavíkur, við mbl.is að dómnum hefði ekki verið kunnugt um fjölskyldutengsl Unnar þegar henni var úthlutað búinu.

Lögmönnum er gert að meta eigið hæfi þegar kemur að því að taka að sér þrotabú. Unnur segist ekkert hafa vitað fyrir fram í hverju vinna BBA//Fjeldco fólst fyrir Play.

„Ég taldi ekki ástæðu til að gera það, enda hvorki vissi ég né gat vitað í hverju vinna BBA//Fjeldco fólst umfram aðra,“ segir Unnur.

Spurð hvort hún telji hæfi sitt tryggt í ljósi stöðu eiginmanns síns er svarið einfalt:

„Já.“

Tengdar fréttir

Sviptivindar í flugrekstri

Náum ekki árangri ef við erum skattlögð upp í rjáfur

• Boðar til funda með starfsfólki á föstudag
• Einfalda skipulag og fækka verkefnum: 38 sagt upp
• Fjöldi uppsagna á skrifstofu Icelandair
• Segja Ferðamálastofu flækja einfalt mál

» Fleiri tengdar fréttir

Flugfélagið Play

Lengri tímarammi hefði bjargað Tango

• Tango Travel hættir vegna falls Play
• „Þetta er dýr brandari en það skiptir engu máli“
• Óljóst um tjónið vegna falls Play
• Play-mál í rénun hjá Neytendasamtökunum

» Fleiri tengdar fréttir

• 1 blogg um fréttina

Bloggað um fréttina

• Birgir Örn Guðjónsson: Auðvitað....