Starfsfólk skrifstofu borgarlandsins hjá Reykjavíkurborg hefur hreinsað grjót og þang af vegum og göngustígum frá því í morgun eftir að brim gekk á land í óveðri gærdagsins.

Að sögn Ingu Rúnar Sigurðardóttur, sérfræðings í samskiptum og miðlun hjá Reykjavíkurborg, var versta ástandið í kringum Sólfarið niðri í miðbæ og úti á Laugarnesi.

Hreinsunarvinnunni sé að ljúka en töluvert hafi verið þar af grjóti og þangi.

Inga segir ástandið einnig hafa verið slæmt á strandlengjunni við Ægisíðuna en þar sé stígurinn lengra frá sjónum.