#92. - Söguleg vika, átök í Kópavogi og gerræði utanríkisráðherra
Stefán E. Stefánsson -
Setja bókamerki
Sneisafullur Spursmálaþáttur af spennandi umræðum um innlend málefni og af alþjóðasviðinu var sýndur hér á mbl.is fyrr í dag.
Upptaka af þættinum er öllum aðgengileg í meðfylgjandi myndbandsspilara en einnig á Spotify og YouTube.
Fréttir vikunnar gerðar upp
Í fréttum vikunnar er rætt við fjölmiðlakonuna Sunnu Sæmundsdóttur og Björn Inga Hrafnsson, aðstoðarmann formanns Miðflokksins. Þau eru öllum hnútum kunnug í íslensku þjóðlífi en ræða einnig nýjan friðarverðlaunahafa Nóbels, friðarsamninga fyrir botni Miðjarðarhafs, brottfall verka Halldórs Kiljan Laxness úr skólakerfinu og versnandi efnahagshorfur.
Hver verður kjörinn nýr varaformaður Miðflokksins á landsþingi hans á sunnudag?
Kópavogsmódelið varið
Þá mætir Ásdís Kristjánsdóttir, bæjarstjóri í Kópavogi á vettvang Spursmála og svarar gagnrýni BSRB á hið svokallaða Kópavogsmódel sem innleitt var árið 2023 og miðar að því að bæta þjónustu við leikskólabörn í bænum. Nýverið gaf Varða, rannsóknarstofnun vinnumarkaðarins út rannsókn kynjafræðingsins dr. Sunnu Símonardóttur sem varpar ljósi á óánægju 20 foreldra í Kópavogi með þær breytingar sem innleiddar hafa verið á kerfinu.
Sonja Ýr Þorbjörnsdóttir formaður BSRB var boðið að mæta í þáttinn til þess að ræða málið en í orðsendingu til Spursmála sagðist hún of önnum kafin við undirbúnings kvenna- og kváraverkfalls sem boðað hefur verið til þann 24. október næstkomandi til þess að geta orðið við því.
Stefnir Vélfag í þrot
Að lokum sest hæstaréttarlögmaðurinn Sigurður G. Guðjónsson í settið og ræðir hreint ótrúlega stöðu sem iðnfyrirtækið Vélfag á Akureyri er komið í vegna þvingunaraðgerða sem Þorgerður Katrín Gunnarsdóttir, utanríkisráðherra hefur gripið til gegn fyrirtækinu.
Fylgstu með Spursmálum alla föstudaga klukkan 14 á mbl.is.
„Verðbólgan verður erfið viðureignar“
Telur kröfu í auglýsingu á Starfatorgi umdeilda
Nýta ungmenni og leita uppi fólk í búsetuúrræðum
Kynnir nýja bandaríska hernaðaraðgerð
Að óbreyttu lokað innan þriggja ára
Á endanum búið til til að græða pening
Enn er beðið aðgerða stjórnvalda