Gert að borga skatt vegna bílakaupa

Deilt um eðlilegt verð

Ríkisskattsstjóri taldi að bíllinn hefði verið seldur á undirverði og færði forstjóranum fyrrverandi til tekna tæpar 4 milljónir á skattframtali hans árið 2019 vegna tekjuársins 2018. Sá úrskurður var kærður til yfirskattanefndar á þeirri forsendu að kaupverðið á bílnum hefði ekki verið óeðlilega lágt.

Eftir nokkrar rannsóknir, þar sem meðal annars var reynt að leiða í ljós hvað eðlilegt markaðsverð á sambærilegum bíl hefði verið árið 2018, komst yfirskattanefnd að þeirri niðurstöðu að miða mætti matsverð bílsins við ásett verð hans samkvæmt mati bílaumboðs, tæpar 14,9 milljónir króna. Samkvæmt því hefði eðlilegt verð fyrir þann 85% hlut, sem keyptur var af fyrirtækinu, verið rúmar 12,6 milljónir króna eða tæpum 2,8 milljónum hærra en forstjórinn fyrrverandi greiddi. Úrskurðaði yfirskattanefnd að færa ætti manninum þá fjárhæð til tekna á árinu 2018.

Yfirskattanefnd hafnaði kröfu mannsins um að fellt yrði niður 25% álag á álagningu vegna þessara viðbótartekna en álagið var þó lækkað til samræmis við lækkun tekjuviðbótarinnar. Einnig hafnaði yfirskattanefnd kröfu um að málskostaður yrði greiddur úr ríkissjóði.