Sóknargjöldin eru áfram skert

Minnt er á að dómsmálaráðherra hafi á síðasta ári skipað starfshóp sem skuli endurskoða fyrirkomulag sóknargjalda. Óeðlilegt sé að skerða sóknargjöld enn meira að raungildi frá því sem er nú, meðan starfshópurinn er að störfum. Skorað er því á efnahags- og viðskiptanefnd Alþingis að leggja til þá breytingu á fjárhæð í frumvarpi, að sóknargjald verði eins og lög frá árinu 1997 bjóða, það er 2.765 kr. á mánuði.

Sóknargjöld eru ákveðin samkvæmt lögum frá árinu 1987. Áratug síðar, það er 1997, átti gjaldið að vera 400,24 kr. á einstakling á mánuði og svo framreiknað þaðan í frá fyrir hvert almanaksár. Frá þessu hafi verið vikið árið 2009; með árlegum lagafyrirmælum.

Fyrir yfirstandandi ár, þ.e. 2025, er ríkið að skila söfnuðunum 1.133 kr. á mánuði. Gjaldið ætti að nema 2.310 kr. á mánuði. Skerðingin nú sé því 50% og verði enn meiri á nýju ári haldi fram sem horfir.