117 herbergja hótel

Einnig er sótt um leyfi til að byggja þriggja hæða verslunar- og hótelbyggingar við Grandagarð og Rastargötu og sömuleiðis byggingu milli Alliance-hússins og íbúðarhússins Mýrargata 26. Á hótelinu er gert ráð fyrir 117 herbergjum.

Íbúar Mýrargötu 26 mótmæltu á sínum tíma harðlega nýbyggingu upp við hús sitt.

Útveggir jarðhæðar nýbygginga verða að mestu glerjaðir í samræmi við kröfur deiliskipulags. Aðalinngangur að hóteli og verslunum verður frá Rastargötu.

Nýbyggingarnar verða samtals 8.767 fermetrar, þar af 6.024 fm ofanjarðar og bíla- og tækjakjallari 2.743 fm.

Aðkoma bíla verði frá Rastargötu að innkeyrslu í kjallara og bílastæðum á lóð. Bílastæði verða alls 61 og hjólastæði 102.

Svona sjá arkitektarnir fyrir sér að reiturinn muni líta út þegar nýja hótelið er risið. Tölvumynd/Gláma-Kím

Friðað árið 2010

Alliance-húsið var friðað árið 2010 og nær friðunin til ytra borðs aðalhúss. Húsið er úr steinsteypu og byggt á árunum 1924 til 1925 eftir teikningum Guðmundar H. Þorlákssonar húsameistara. Það er talið hafa mikið byggingarlistalegt gildi sem dæmi um glæsilegt höfundarverk Guðmundar, segir á vef Minjastofnunar.

Mijastofnun segir ennfremur að Allliance-húsið hafi verið byggt sem saltverkunarhús og hafi mikið menningarsögulegt gildi sem vitnisburður um þá atvinnustarfsemi er eitt sinn einkenndi gamla Vesturbæinn.

Þá sé húsið lítið breytt frá upprunalegri gerð og hafi mikið gildi fyrir hafnarsvæðið.

Reykjavíkurborg festi kaup á Grandagarði 2 árið 2012 fyrir 340 milljónir króna. Í dag er starfrækt í húsinu Sögusafnið og veitingastaðurinn Matur og drykkur. Fasteignin á Grandagarði 2 er skráð 2.701 fermetri á þremur hæðum.

Gerði nokkrar tilraunir til að selja húsið

Reykjavíkurborg hefur gert nokkrar tilraunir til að selja húsið en það tókst ekki fyrr en í febrúar 2023.

Borgarráð samþykkti þá að selja Arcusi ehf. Alliance-húsið fyrir 880 milljónir króna. Með í kaupunum fylgdi réttur til uppbyggingar á lóðinni.

Fram kom í fréttum að Arcus, sem er hluti af samstæðu ÞG verktaka, áformaði að reisa hótel á lóðinni.