Skattfé að talsverðu leyti í launakostnað
Stefán E. Stefánsson
Setja bókamerki
/frimg/1/60/99/1609954.jpg)
Í lok september tilkynnti Þorgerður Katrín Gunnarsdóttir, utanríkisráðherra, að hún hefði ákveðið að verja 150 milljónum króna til hinsegin-samtakanna Outright International á næstu 18 mánuðum.
Í Spursmálum er að þessu sinni upplýst að ársreikningar samtakanna varpa ljósi á mikinn launakostnað á vettvangi þeirra. Framkvæmdastjórinn, sem undirritaði samkomulag við ráðherra um ráðstöfun fjármunanna er t.a.m. með jafnvirði 40 milljóna króna í árslaun frá samtökunum.
/frimg/1/59/93/1599305.jpg)
Þá sýna reikningarnir að níu æðstu stjórnendur þess taka til sín um 10% af öllu sjálfsaflafé Outright International.
15 milljónir af framlaginu í æðstu stjórnendur
Það þýðir að af þeim 150 milljónum sem íslenskir skattgreiðendur leggja samötkunum til, fara um 15 milljónir í að greiða laun helstu forsvarsmanna samtakanna.
Í Spursmálum er fjárhæðin sem hér um ræðir sett í samhengi við niðurskurðartillögur í nýframlögðu fjárlagafrumvarpi. Þar er t.a.m. gert ráð fyrir því að skera niður framlög til Ljóssins, endurhæfingarmiðstöðvar fyrir krabbameinssjúka Íslendinga um 200 milljónir króna.
Spursmál má sjá í heild sinni í spilaranum hér að neðan:
Dularfullt tjón á Klapparstíg 14
„Um 60.000 litlir kallar sem við pöntum“
Byggir á óskráðum reglum um óbeðinn erindisrekstur
„Biðum eftir útspilinu frá Seðlabankanum“
Síðustu forvöð til að bjarga flakinu
Samdráttur eftir flutninginn í Álfabakka
