„Ekki hafa áhyggjur af Kína“
Setja bókamerki
Donald Trump Bandaríkjaforseti segist „vilja hjálpa Kínverjum, ekki skaða þá“ og kveður þar við aðeins mildari tón en í gær þegar hann hótaði því að leggja 100 prósent viðbótartolla á Kína.
Sagðist hann taka þá ákvörðun vegna þess sem hann telur að sé „ótrúlega ágeng hegðun kínverskra stjórnvalda“ og vísaði til hertra reglna um útflutning á sjaldgæfum málum. Sakaði hann jafnframt Kínverja um að reyna að halda heiminum í gíslingu.
Í dag sagðist hann hins vegar, í færslu á Truth Social, aðeins vilja hjálpa Kínverjum. Virðulegur forseti Kína Xi Jinping, hefði bara átt slæman dag, hann vildi ekki koma landi sínu í kreppuástand, og það vildi Trump ekki heldur.
„Ekki hafa áhyggjur af Kína, þetta verður allt í góðu lagi,“ skrifaði forsetinn jafnframt.
Fram kom í gær að 100 prósent viðbótartollar sem Trump ætlaði að leggja á Kína, ættu að taka gildi 1. nóvember næstkomandi.
Íkveikja: Ekki skýrt að kveikjarar væru bannaðir
Heyrði ekkert í nýjum heilbrigðisráðherra
Fleiri moskítóflugur finnast
Fagnar upprunanum og neitar að biðjast afsökunar
„Nei, við áttum sko alls ekki von á þessu“
Guðrún: Erfið ákvörðun
Kajakræðari hífður um borð í þyrlu
Guðrún skaut fast á ríkisstjórnina