Slökkvilið Fjallabyggðar ásamt slökkviliði Dalvíkur og Akureyrar er enn að störfum eftir að eldur kviknaði í Primex-verksmiðjunni á Siglufirði um klukkan 20 í gærkvöld.

Frétt af mbl.is

Eldur á Siglufirði

„Við erum búnir að ná yfirhöndinni og erum þessa stundina að slökkva glæður og eldhreiður sem eru í þakinu en þetta er mjög flókið verkefni,“ segir Jóhann K. Jóhannsson, slökkviliðsstjóri Fjallabyggðar, í samtali við mbl.is.

Hann segir að þurft hafi að fara í þá vinnu að rífa þakið og standi sú vinna enn yfir en notuð er til þess stórtæk vinnuvél.

„Þessi vinna tekur svolítinn tíma og ég á von á því að við verðum með brunavakt við húsið í dag. Þetta er stórt og flókið hús,“ segir hann.

Frétt af mbl.is

Eldar loga inn í nóttina á Siglufirði

Jóhann segir að húsnæðið sé mikið skemmt en segir erfitt að meta tjónið en eldurinn fór í allt þakið á einni byggingunni að hans sögn. Hann segir að um 40 manns hafi verið að störfum í alla nótt. Hann segir að af og til hafi vindur rokið upp í nótt sem hafi torveldað slökkvistarfið.

Tengdar fréttir

Eldsvoði á Siglufirði

Upptök eldsins enn ókunn

• Myndir: Mikil eyðilegging eftir brunann
• Hefjast handa við að meta tjónið
• „Hluti byggingarinnar illa farin“
• Slökkvistarfi á Siglufirði lokið

» Fleiri tengdar fréttir

• Blogga um frétt