Slökkvistarfi á Siglufirði lokið
Setja bókamerki
Slökkvistarfi er lokið við Primex-verksmiðjuna á Siglufirði eftir að eldur braust þar út um klukkan 20 í gær.
Þetta segir Jóhann K. Jóhannsson, slökkviliðsstjóri Fjallabyggðar, í samtali við mbl.is.
Þegar blaðamaður náði tali af Jóhanni voru slökkviliðsmenn að yfirgefa vettvang. Lögreglan á Norðurlandi eystra fær vettvanginn til rannsóknar á næstu klukkutímum.
Slökkviliðinu barst tilkynning um eldsvoðann klukkan 19:50 í gær. Eldurinn var bundinn við þak húsnæðisins. Aðkoman að eldinum reyndist erfið auk þess sem miklar vindhviður gerðu slökkvistarf torveldara.
Mikið skemmt
Jóhann segir að dagurinn hafi að mestu farið í að slökkva glæður og tryggja öryggi á svæðinu.
Húsnæðið er mikið skemmt en þar til húsa er Primex-verksmiðjan sem er líftæknifyrirtæki sem framleiðir m.a. snyrtivörur og sáravörur undir merkinu ChitoCare.
mbl.is ræddi við Vigfús Rúnarsson, forstjóra Primex, fyrr í dag. Þá hafði starfsfólk Primex ekki fengið aðgang að verksmiðju fyrirtækisins og gat hann því ekki metið tjónið eða hvaða áhrif eldvoðinn kynni að hafa á starfsemi fyrirtækisins.
Tiltekinni óvissu nú verið eytt
Guðrún skaut fast á ríkisstjórnina
„Nei, við áttum sko alls ekki von á þessu“
/frimg/1/60/99/1609948.jpg)
Furðar sig á slæmri umgengni
Fleiri moskítóflugur finnast
Kajakræðari hífður um borð í þyrlu
Athugun á meðferðarheimilum: „Risastórt verkefni“
Heyrði ekkert í nýjum heilbrigðisráðherra