Sigríður nýr þingflokksformaður Miðflokksins

Sigríður Á. Andersen er nýr þingflokksformaður Miðflokksins.

Þetta staðfestir Sigríður sjálf í samtali við mbl.is en þingflokksfundi flokksins var í þann mund að ljúka þar sem Sigmundur Davíð Gunnlaugsson, formaður flokksins, tilnefndi Sigríði sem nýjan þingflokksformann.

Frétt af mbl.is

Bergþór hættir sem þingflokksformaður

„Það var samþykkt einróma,“ segir Sigríður sem segist jafnframt hlakka til komandi verkefna í nýju hlutverki innan flokksins.

„Þau geta verið erilsöm en ég hlakka bara til að eiga gott samstarf við vonandi alla aðra þingflokksformenn og forseta þingsins.“

„Við í Miðflokknum horfum bara björtum augum fram á veg,“ segir hún að lokum. 

• Blogga um frétt