Þingflokksformaður Miðflokksins segir heimsendaspár varaformanns flokksins vera óþarfar.

Í viðtali í Kastljósi á RÚV í kvöld ræddi þáttastjórnandinn Baldvin Þór Bergsson við þau Jens Garðar Helgason, varaformann Sjálfstæðisflokksins, og Sigríði Á. Andersen, þingflokksformann Miðflokksins.

Meðal annars vék Baldvin Þór máls á því þegar Snorri Másson, nýkjörinn varaformaður Miðflokksins, ræddi um að hrun vestrænnar siðmenningar væri yfirvofandi. Vildi Baldvin vita hvort Sigríður deildi þeirri skoðun með varaformanninum.

Snorri tali til fólks á mannamáli

„Nei, ég tek nú, nei hann getur nú verið skáldlegur og ég horfi í gegnum fingur mér gagnvart því. Það er alger óþarfi að vera með heimsendaspár í umræðu um þetta og ég veit ekki í hvaða samhengi hann var að setja þetta fram,“ svaraði Sigríður.

Hins vegar sagðist hún telja að kannski skýri það að Snorri tali til fólks á mannamáli hluta af fylgisöfnun Miðflokksins.

„Ég held nú að hann sjálfur sé nú ekki að meina að það verði eitthvað hrun í siðmenningu en hann er að benda á ákveðna þætti sem mönnum finnst áhugavert að fá að minnsta kosti að ræða.“

Tengdar fréttir

Alþingi

Ekki forsendubrestur fyrir Evrópuþreifingum

• Segir ESB brjóta EES-samninginn
• Vill úttekt á vinnubrögðum RÚV eftir hneyksli BBC
• Mælti fyrir brottfararstöð á þingi
• Samningurinn loks orðinn að lögum

» Fleiri tengdar fréttir

• Blogga um frétt